Ohrid - City of UNESCO

Локална самоуправа

Додатни информации

Јавен оглас

Линкови

Почеток :: Останати вести
ЗАПОЧНА БАЛКАНСКИОТ ФЕСТИВАЛ НА НАРОДНИ ПЕСНИ И ИГРИ
Untitled Document

Со дефиле на учесниците низ чаршијата и централното градско подрачје и целовечерен концерт на Националниот ансамбл на народни игри и песни „Танец“, вечерва во Охрид  започна 57 издание  на Балканскиот фестивал на народни песни и игри.

На свеченото отворање, учесниците и бројната публика ги поздрави градоначалникот на Охрид, Јован Стојаноски.

- Во овие охридски безвременски духовни простори, фолклорните ансамбли кои учествуваат на годинашното издание на Балканскиот фестивал, преку нивните настапи ќе презентираат делови од фолклорното наследство на нивните земји и региони преку кои уште еднаш ќе ја потврдат универзалната максима дека различностите се темел за градење на нови пријателства. Во колективната  меморија на народниот гениј, преку усното творештво, песните, игрите и  уникатната изработка на носиите и инструментите, низ вековите се  чувал сопсвениот културен идентитет, а таа традиција успешно се негува преку настапите на фолклорните фестивали.    Учесниците на Балканскиот фестивал на народни песни и игри и бројната домашна публика, но и посетителите од сите страни на светот, овие неколку дена, ќе го почувствуваат духот на древниот Охрид, градот на светлината, градот во кој секој оставал своја трага и приказна, градот во кој секој што дошол, сакал одново да биде дел од овој спокој и убавина. Да го споиме старото со новото, да ги споиме милениумското  културно и природно наследство и сегашноста. Охридските сокаци, улици и плоштади, ќе се разубават со сјајот и колоритот на носиите, песната и играта на повеќе народи и региони, како знак на нивниот културен идентитет. Во тој дух, посакувам уште едно успешно издание на фестивалот и упатувам порака за  почитување на различностите на Балканот како основа за едно ново современо единство – подвлече градоначалникот Стојаноски.

Фестивалот традиционално се одржува под покровителство на Собранието на Република Македонија,а со поддршка на Министерството за култура. Пред присутните пригодни обраќања имаа и Заменик претседателот на Собранието, Весел Мемеди и  директорот на ЦК „Григор Прличев“, Стрезо Стаматоски.

Во текот на четирите фестивалски ноќи на сцената во ЦК „Григор Прличев“ ќе настапат повеќе културно уметнички друштва  и фолклорни ансамбли  од Македонија, Србија, Црна Гора и Албанија.

Во рамки на фестивалот во  изложбениот центар на Центарот за култура беше отворена изложбата на влашки народни носии од колекцијата на  Доц. м-р. Ванѓа Димитријева- Кузманоска.

Влезот за четирите фестивалски ноќи е слободен.

Прочитано:  520  пати
Објавено на: 04.07.18

Настани

Мар 25 Годишнина од смртта на Методи Патче

Мар 31 Годишнина од смртта на Борис Чипан

Апр 7 Светски ден на здравјето

Календар на настани

Актуелни информации

ЛОКАЛЕН ЕКОЛОШКИ АКЦИОНЕН ПЛАН ЗА ЖИВОТНА СРЕДИНА (ЛЕАП) ЗА ПЕРИОД 2019 - 2025


ОТЧЕТ 2018

Информации од урбанистичката сфера

Информации за даночни обврзници

Корисни линкови

Фотографија на неделата


Панорама на Охрид 360

 

Copyright Општина Охрид - 2005. Сите права се задржани©