ЗАВРШИЈА ДЕТСКИТЕ ПРЛИЧЕВИ БЕСЕДИ
ЗАВРШИЈА ДЕТСКИТЕ ПРЛИЧЕВИ БЕСЕДИ June 10, 2026 ЈАВНИ ДЕЈНОСТИ ЗАВРШИЈА ДЕТСКИТЕ ПРЛИЧЕВИ БЕСЕДИ Успешно заврши манифестацијата „Детски Прличеви беседи“ што годинава се одржаа по трет пат во организација на ЗГ „Охрид Култ 366“, а под покровителство на Општина Охрид. Ученици од повеќе македонски градови преку поетски творби, есеи, рецитаторски и ораторски настапи покажаа дека младите генерации достојно ја продолжуваат традицијата на Прличев. Спомен куќата на Григор Прличев“ деновиве беше исполнета со талентирани деца, поезија, прекрасни мисли и изразена љубов кон македонскиот литературен збор. Tags : Споделете: Најнови објави ЗАВРШИЈА ДЕТСКИТЕ ПРЛИЧЕВИ БЕСЕДИJune 10, 2026 СВИКАНА ЕДИНАЕСЕТТАТА СЕДНИЦА НА СОВЕТОТ НА ОПШТИНА ОХРИДJune 9, 2026 ОХРИД ДОМАЌИН НА „ДЕНОТ НА СПОРТОТ“ ВО РАМКИ НА „ПЛАЗМА СПОРТСКИТЕ ИГРИ“June 9, 2026 За повеќе прашања? Јавете се во Општина Охрид или пријавете проблем: (+046) 262 492 (+046) 262 493 Пријави проблем Категорија ЈАВНИ ДЕЈНОСТИ
ОХРИД ДОМАЌИН НА „ДЕНОТ НА СПОРТОТ“ ВО РАМКИ НА „ПЛАЗМА СПОРТСКИТЕ ИГРИ“
ОХРИД ДОМАЌИН НА „ДЕНОТ НА СПОРТОТ“ ВО РАМКИ НА „ПЛАЗМА СПОРТСКИТЕ ИГРИ“ June 9, 2026 ЈАВНИ ДЕЈНОСТИ ОХРИД ДОМАЌИН НА „ДЕНОТ НА СПОРТОТ“ ВО РАМКИ НА „ПЛАЗМА СПОРТСКИТЕ ИГРИ“ Во Охрид денеска се одржа „Денот на спортот“ во рамки на Плазма Спортските игри за млади, кои оваа година за првпат се реализираат во Македонија. Целта на овој спортски собир е да се испрати силна порака за значењето на спортот, дружењето и здравите животни навики кај младите. Во обраќањето до присутните, претседателот на Советот на Општина Охрид, Перчо Божиновски истакна дека е особена чест што Охрид е домаќин на оваа значајна регионална спортска манифестација, особено во период кога градот го слави големиот успех на охридскиот ракомет и освојувањето на европскиот трофеј. Тој нагласи дека спортските игри претставуваат одлична можност за младите да се дружат, да ги развиваат своите способности и да ги усвојуваат вредностите на фер-плејот, тимската работа, дисциплината и меѓусебната почит. Притоа посочи дека поддршката на младите и спортот останува еден од приоритетите на локалната самоуправа, бидејќи вложувањето во децата значи вложување во подобра иднина за целата заедница. На свеченото отворање присуствуваа претседателката на Плазма Спортските игри за млади во Македонија, Елена Мицковска и претставници на партнерите на проектот. Дел од спортскиот настан беа и познати охридски спортисти, меѓу кои поранешниот фудбалер Драган Бочески, боксерот Наум Стојаноски и капитенот на ГРК Охрид, Иван Тасески, кои симболично го запалија оганот на спортките игри. Во рамки на настанот во Охрид беше реализиран и спортско-едукативниот проект „Zero Waste – Бидете дел од играта, да ја заштитиме нашата планета“, кој преку спорт и интерактивни активности ги едуцира младите за важноста на заштитата на животната средина и правилното селектирање на отпадот. Проектот се спроведува за подигање на еколошката свест кај најмладите. Освен Охрид, Спортските игри за млади претходно се одржаа во Скопје, Куманово, Штип, Кочани, Струмица, Велес, Кавадарци, Прилеп и Битола. Tags : Споделете: Најнови објави ОХРИД ДОМАЌИН НА „ДЕНОТ НА СПОРТОТ“ ВО РАМКИ НА „ПЛАЗМА СПОРТСКИТЕ ИГРИ“June 9, 2026 ВРЕМЕНА ЗАБРАНА ЗА СООБРАЌАЈ ВО СТАРИОТ ДЕЛ ОД ГРАДОТJune 8, 2026 ДОДЕЛЕНИ НАГРАДИТЕ НА НАЈДОБРИТЕ НАТПРЕВАРУВАЧИ НА „ОХРИД ТРЧАТ“June 8, 2026 За повеќе прашања? Јавете се во Општина Охрид или пријавете проблем: (+046) 262 492 (+046) 262 493 Пријави проблем Категорија ЈАВНИ ДЕЈНОСТИ
ДОДЕЛЕНИ НАГРАДИТЕ НА НАЈДОБРИТЕ НАТПРЕВАРУВАЧИ НА „ОХРИД ТРЧАТ“
ДОДЕЛЕНИ НАГРАДИТЕ НА НАЈДОБРИТЕ НАТПРЕВАРУВАЧИ НА „ОХРИД ТРЧАТ“ June 8, 2026 ЈАВНИ ДЕЈНОСТИ ДОДЕЛЕНИ НАГРАДИТЕ НА НАЈДОБРИТЕ НАТПРЕВАРУВАЧИ НА „ОХРИД ТРЧАТ“ Заврши 10-то јубилејно издание на спортската манифестација „Охрид трчаТ„ со рекордни 2 700 учесници од 30 земји. Градоначалникот Кирил Пецаков заедно со Министерот за спорт, Борко Ристески ги додели медалите на најдобрите натпреварувачи. Најдобриот македонски атлетичар Дарио Ивановски триумфираше на полумаратонот.Тој патеката од 21 километар ја мина за време од 1 час 10 минути и 46 секунди. Втор на целта пристигна Игор Трипуновски, а трет беше Томаш Суњог од Унгарија. Во женска конкуренција на полумаратонот најбрза беше Греса Бакрачи од Косово, втора пристигна Биљана Кираџиева од Србија а трета Благица Јованова од Македонија. Во штафетната трка на 21 километар мажи триумфираа „Korruners & Atomic“, пред „Битолски бавни тркачи“ и Алексинац ранинг клуб. Кај жените триумфираше штафетата на МС Ран, пред „CaMino de Santiago Francés 2026 M+F“ и екипата „Трајчески“. Кај мешаните штафети триумфираше „Битола трча“, втора пристигна штафетата „Тирунмису“ , а трета на целта стигна штафетата „АОК ЗЛАТОВРВ“. Во тимска конкуренција мажи на 21 километар победи АК „Скопски маратон“, пред АКК „Ран клуб“ и „Ран Авеј“. Кај жените најдобар беше тимот на АК „Атомик“ , пред „Ран Авеј“ и АКК „Ран клуб“.Во трката на 5 километри во машка конкуренција прв на целта пристигна Григоријан Никовски од АК Олимп, пред Роберто Димитриевски од АК Велес и Ванчо Бајам од АК Охрид трчаТ. Во женска конкуренција на 5 километри победи Матеја Ефремовска од АК Скопски маратон , пред Невена Максимовиќ од АК Ран Авеј – Србија, а трета беше Емили Иваноска од АК Скопски маратон . Тимски на 5 километри во машка конкуренција триумфираше штафетата „Ракометна школа Седмерец“ – Охрид , пред „Ретко е да си редок и ЛТХ Леарница . Во женска конкуренција победи екипата на „3 Disciplines“ , пред „Run Away“ и „Ретко е да си редок“ . Tags : Споделете: Најнови објави ОХРИД ДОМАЌИН НА „ДЕНОТ НА СПОРТОТ“ ВО РАМКИ НА „ПЛАЗМА СПОРТСКИТЕ ИГРИ“June 9, 2026 ВРЕМЕНА ЗАБРАНА ЗА СООБРАЌАЈ ВО СТАРИОТ ДЕЛ ОД ГРАДОТJune 8, 2026 ДОДЕЛЕНИ НАГРАДИТЕ НА НАЈДОБРИТЕ НАТПРЕВАРУВАЧИ НА „ОХРИД ТРЧАТ“June 8, 2026 За повеќе прашања? Јавете се во Општина Охрид или пријавете проблем: (+046) 262 492 (+046) 262 493 Пријави проблем Категорија ЈАВНИ ДЕЈНОСТИ
ЗАПОЧНУВА 10-ТО ИЗДАНИЕ НА „ОХРИД ТРЧАТ“
ЗАПОЧНУВА 10-ТО ИЗДАНИЕ НА „ОХРИД ТРЧАТ“ June 5, 2026 ЈАВНИ ДЕЈНОСТИ ЗАПОЧНУВА 10-ТО ИЗДАНИЕ НА „ОХРИД ТРЧАТ“ Вечерва започнува 10-то, јубилејно издание на најмасовната спортска манифестација „Охрид трчаТ“. На прес конференција што точно напладне се одржа пред хотел „Палас“ градоначалникот Кирил Пецаков зборуваше за важноста на овој спортски настан за Охрид. „Охрид трчаТ“ е најмасовниот спортски настан во градов и пошироко и полека но сигурно станува наш бренд. Годинава е најавен рекорден број на учесници, над 2 700 од 30 држави. Овие факти зборуваат многу. Случувањето одамна ја надмина локалната рамка и позитивно влијае во туристичката промоција на градов, во неговиот спортски и економски развој. Покрај со трките на 5км, 21 км и штафетниот полумаратон, настанот е збогатен и со многу социјални, музички и хуманитарни содржини. Тому затоа како локална власт секогаш ќе подржуваме вакви позитивни проекти– рече градоначалникот Пецаков на кого и официјално му беше врачен стартниот број 1 и стартниот пакет. За организацискиот дел и програмата на годинешното издание говореа Јоне Станкоски и Иван Цветкоски од „Охрид трчат“ , а за безбедноста и времениот режим на сообраќај зборуваше командантот на ПС за безбедност во патниот сообраќај, Владо Аслимоски. Официјалниот почеток на настанот е закажан за вечерва со ноќната трка која стартува од пешачката патека кај плажата “Куба Либре“ до хотел „Палас“. Потоа ќе има Pasta party со хуманитарен карактер , а концерт ќе одржи групата „No Fun“. Денес и утре во период од 10:00 до 20:00 часот ќе има ЕXPO, делeње на старт пакетите за сите учесници. Утре за учесниците на спортското случување е предвидена целодневна програма во која е вклучен разглед на градот, возење со бродови по езерските води и посета на најрепрезентативните локалитети на градов меѓу кои и манастирскиот комплекс „Св. Наум“. Централното случување ќе биде во недела. Во 08:15 ч. стартува главната трка од пред хотел „Палас“. Ќе се трча по централното градско подрачје, старото градско јадро, до Горна порта, по кеј „Македонија“ до хотел „Инекс Олгица“- Горица 2 и назад до хотел „Палас“. Во недела ќе има и посебен режим на сообраќај, а улиците по трасата на трката ќе бидат затворени за сообраќај во период од 08:00 до 12:00 часот. Настанот завршува со концерт. Во организацискиот дел на најмасовното спортско случување во градов се вклучени над 6 000 луѓе. Tags : Споделете: Најнови објави ОХРИД ДОМАЌИН НА „ДЕНОТ НА СПОРТОТ“ ВО РАМКИ НА „ПЛАЗМА СПОРТСКИТЕ ИГРИ“June 9, 2026 ВРЕМЕНА ЗАБРАНА ЗА СООБРАЌАЈ ВО СТАРИОТ ДЕЛ ОД ГРАДОТJune 8, 2026 ДОДЕЛЕНИ НАГРАДИТЕ НА НАЈДОБРИТЕ НАТПРЕВАРУВАЧИ НА „ОХРИД ТРЧАТ“June 8, 2026 За повеќе прашања? Јавете се во Општина Охрид или пријавете проблем: (+046) 262 492 (+046) 262 493 Пријави проблем Категорија ЈАВНИ ДЕЈНОСТИ