ГОДИШНИНА ОД РАЃАЊЕ НА ЛЕВ ОГНЕНОВ

28 октомври 1867 година е роден Лев Огненов, познат охридски учител и револуционер – првиот претседател на охридскиот комитет на ВМРО, од 1894 година. Бил меѓу најучените граѓани во неговото време, со завршен Роберт колеџ во Цариград, 12 години бил секретар на Охридската митрополија, училишен инспектор и директор на Охридската гимназија. Негов татко бил познатиот охридски првенец Симон Кармиш, а потоа бил посинет од неговиот баџанак – познатиот првенец Петре Огнен. Го владеел бугарскиот, англискиот, францускиот и турскиот јазик, а се служел и со грчкиот и латинскиот јазик. Умрел во Охрид во 1953 година, на 86-годишна возраст.