МАНИФЕСТАЦИИ

Димче Протуѓер (Охрид, 24 октомври 1920 — Скопје, 30 март 1995 ) — македонски уметник, сликар, резбар и графичар. Во Охрид е роден Димче Протугер, уметник, сликар, резбар и графичар, еден од основоположниците на македонското сликарство по Втората светска војна. Бил директор на резбарската школа во Охрид. Учествувал на групни и самостојни изложби во Македонија и надвор од неа. Се занимавал со сликарство, графика, цртеж, таписерија, зграфито, витраж и извел повеќе монументални композиции во овие техники. Ја добил наградата за животно дело „Бигорски следбеници” од ДЛУПУМ и Орден на Братство и Единство. Починал во Скопје на 30 март 1995 година.

6 април 1902 година херојски загина Методија Патчев. во близина на Кадино Село во местото На Ножот. Со својата мала чета која броела седуммина четници, биле опколени од турскиот аскер и по дводневна борба, не сакајќи да се предадат, откако ги потрошиле сите куршуми, излезот го нашле во херојско самоубиство. Фотографијата од потресната сцена На Ножот ја направил охриѓанецот Димитри Митан.

Писателот Димче Маленко. Својата писателска кариера ја почна со стихови, за подоцна да се оддаде на прозната и драмската литературна творба. Првата песна „Портрет“ е објавена во 1944 година, на ѕидниот весник на Охридската бригада во селото Велмеј, а неговата прва стихозбирка носи наслов „Мачници“. Првата негова објавена прозна творба е расказот „Крај дибекот за толчење кафе“, а неговото најголемо остварување е романот „Слободољубиви човекољупци“. Има објавено и повеќе фолклористички трудови. Покрај професорската работа, се занимавал и со новинарство, како соработник на Радио Охрид. Почина на 6 април 1990 година.

На 23 април 1865 година во Охрид е роден првиот професионален фотограф Димитри Митан. Според  датумот на раѓање тој е 20 години постар од  Милтон Манаки, па се смета за ментор на браќата Манаки во овој занает. Покрај бројните фотографии што ги направил кон крајот на XIX и почетокот на  XX век, Димитри Митан, во историјата на македонската фотографија е запаметен по фотографијата што ја направил во Кадино Село, по самоубиството на четата на Методи Патчев во 1902 година. Со својот апарат тој сликал и комитски чети, а во 1925 година го сликал и српскиот крал Александар Караѓорѓевиќ, пред црквата Св. Богородица Перивлепта.