УТРЕ СЕ ЗАБРАНУВА ПАРКИРАЊЕ ВОЗИЛА НА „ЈАНЕ САНДАНСКИ“
Општина Охрид упатува апел до жителите на ул. „Јане Сандански“ и до останатите охриѓани и туристи , утре (08.07 2021), да не ги паркираат или оставаат привремено своите возила на оваа улица поради градежни зафати кои ќе се одвиваат,а согласно постапката за реконструкција на истата. Доколку граѓаните не ги отстранат сами возилата ќе им бидат подигнати со пајак служба на нивни трошок.
ДА СЕ ОТСТРАНАТ НЕЛЕГАЛНО ПОСТАВЕНИТЕ ПРЕПРЕКИ НА ЈАВНИ ПОВРШИНИ
Општина Охрид упатува апел до сите охриѓани кои узурпирале јавни површини сопственост на РСМ со поставување тврди сообраќајни препреки како што се рампи, синџири, „триаголници“ за забрането паркирање или други ознаки во најскоро време да ги отстранат истите. Во спротивно нелегално поставените препреки од понеделник (05.07 2021 г.) ќе бидат отстранети од надлежните служби на Општина Охрид. Нелегалното поставување на сообраќајни препреки на јавни површини може да се пријавува на адреса: inspektorat@ohrid.gov.mk
ЌЕ БИДАТ СТАВЕНИ ВО ФУНКЦИЈА РАМПИТЕ ЗА РЕГУЛИРАЊЕ НА СООБРАЌАЈОТ ВО СТАРИОТ ДЕЛ НА ГРАДОТ
Се известуваат жителите и туристите кои престојуваат во Охрид дека од 1.07.2021 година (четврток) ќе бидат ставени во функција рампите за влез и излез во стариот дел на градот. Моторните возила ќе може непречено да сообраќаат, само доколку поседуваат картичка за движење во овој дел од градот. Оваа мерка е дел од утврдениот режим на сообраќај за старото градско подрачје и Правилникот за издавање на картички за движење на моторни возила. Постоечките картичките за кои не е извршена навремена пререгистрација во согласност со повикот на општината, кој беше објавен на 20.05.2021 година, ќе бидат поништени и неважечки. Функционирањето на рампите ќе биде регулирано со 24 часовно физичко обезбедување и ќе биде под постојан видео надзор. Се упатува известување до сите правни лица кои сообраќаат во стариот дел на градот дека дотурот на стока ќе може да се врши само преку влезот кај „Горна Порта“ во утринските часови во периодот од 05:00 до 10:00 часот. За такси компаниите кои вршат такси превоз нема да бидат издавани посебни картички и такси возилата ќе бидат пропуштани во стариот дел на градот исклучиво само од влезот кај „Горна Порта“. Се известуваат сопствениците на сместувачките капацитети дека гостите ќе може да влезат со своите возила во стариот дел на градот, само за да извршат истовар на патници и багаж. Доколку возилата бидат непрописно паркирани ќе бидат отстранети со асистенција на пајак службата. ПОВРЗАНИ ВЕСТИ: ПРЕРЕГИСТРАЦИЈА НА ПОСТОЕЧКИТЕ КАРТИЧКИ ЗА ДВИЖЕЊЕ НА ВОЗИЛА ВО СТАРИОТ ДЕЛ ОД ГРАДОТ
ОБУКА НА ВОЗДУХОПЛОВНИОТ ВИНГ ВО ОХРИД
Од денеска до петок ( 25.06 2021 г.) воздухопловниот ВИНГ на АРМ, на крајбрежјето на Охридското Езеро ќе изведува Летачка обука над водени површини со два хеликоптери Ми-8/17. Како дел од активностите на воздухопловниот ВИНГ, а во соработка со локолната самоуправа од Охрид во четврток (24.06.2021г.), во период од 16 до 19 часот пред Кампот за обука на АРМ кај каналот „Студенчишта“ се планира реализација на „Отворен ден за јавноста“ каде што граѓаните ќе можат да видат дел од леталата и опремата со која што располага Воздухопловниот ВИНГ. Обуката е дел од Годишниот План – Календар за Обука на Воздухопловниот ВИНГ . Активноста е дел од подготовките за планираната НАТО вежба за кризен менаџмент „Северна Македонија 21“ водена од НАТО – Евроатлантскиот центар за координација за одговор при катастрофи (NATO EADRCC) и ЦУК која треба да се реализира во месец септември 2021 година во Охрид. Неколкудневната обуката на воздухопловниот ВИНГ се реализира во соработка со Општина Охрид и Планинарската спасителна служба при охридскиот Црвен Крст.
О Г Л А С бр. 02/2021 ПРИБИРАЊЕ НА ПОНУДИ ЗА ИЗДАВАЊЕ НА ВРЕМЕНО КОРИСТЕЊЕ НА ПОВРШИНИ ЗА ПОСТАВУВАЊЕ НА УРБАНА ОПРЕМА
Врз основа начлен 80, член 80а и член 81 од Законот за градење („Сл.весникна РМ“ бр. 130/09, 124/10, 18/11, 36/11, 54/11, 13/12, 144/12, 25/13, 79/13, 137/13,163/13, 27/14, 28/14,42/14, 115/14, 149/14, 187/14, 44/15, 129/15, 217/15, 226/15, 30/16, 31/16, 39/16, 71/16, 132/16,35/18, 64/18, 168/18, и „Сл.весник на РСМ“ бр 244/19 и 18/20 и 279/20), член 34 од Статутот на општина Охрид и член 50 од Законот за локална самоуправа (Сл.весник на РМ бр. 5/02), Годишната програма за поставување урбана опрема во општина Охрид за 2021 год. бр. 08-11545/41 од 29.12.2020 год. („Сл.гласник на општина Охрид бр.16/2020), записникот бр. 19-2366/1 од 05.03.2021, Одлуката за поставување на урбана опрема и времени објекти и за утврдување на висината на надоместокот (закупнина) во општина Охрид бр. 08-4086/51 од 28.04.2021 година и Одлука за донесување на Правилникот со кој се утврдени начинот и условите за изнајмување на локации за поставување на урбана опрема на подрачјето на општина Охрид бр. 08-4086/18 од 28.04.2021, Градоначалникот на Општина Охрид објавува: [vc_row][vc_column][vc_message]О Г Л А С бр. 02/2021 ПРИБИРАЊЕ НА ПОНУДИ ЗА ИЗДАВАЊЕ НА ВРЕМЕНО КОРИСТЕЊЕ НА ПОВРШИНИ ЗА ПОСТАВУВАЊЕ НА УРБАНА ОПРЕМА[/vc_message][/vc_column][/vc_row][vc_row][vc_column][vc_empty_space][/vc_column][/vc_row][vc_row][vc_column][vc_empty_space][/vc_column][/vc_row][vc_row][vc_column][vc_column_text] ОБРАСЦИ ЗА ПОСТАВУВАЊЕ УРБАНА ОПРЕМА: [/vc_column_text][/vc_column][/vc_row][vc_row][vc_column][vc_empty_space][/vc_column][/vc_row][vc_row][vc_column][vc_message message_box_color=”orange”]ОБРАЗЕЦ ПОНУДА ЗА СЛАДОЛЕД (pdf doc.)[/vc_message][vc_message message_box_color=”orange”]ОБРАЗЕЦ ПОНУДА ЗА КНИГИ (pdf doc.)[/vc_message][vc_message message_box_color=”orange”]ОБРАЗЕЦ ПОНУДА ЗА УМЕТНИЧКИ СЛИКИ (pdf doc.)[/vc_message][/vc_column][/vc_row][vc_row][vc_column][vc_empty_space][/vc_column][/vc_row][vc_row][vc_column][vc_empty_space][/vc_column][/vc_row][vc_row][vc_column][vc_column_text] ЛОКАЦИИ ЗА ПОСТАВУВАЊЕ УРБАНА ОПРЕМА: [/vc_column_text][/vc_column][/vc_row][vc_row][vc_column][vc_empty_space][/vc_column][/vc_row][vc_row][vc_column][vc_message message_box_color=”vista_blue”]ЛОКАЦИИ ЗА СЛАДОЛЕД[/vc_message][vc_message]ИЗВОД ОД ПРОГРАМА[/vc_message][vc_message]ИЗВОД ОД ПРОГРАМА[/vc_message][vc_message]ИЗВОД ОД ПРОГРАМА[/vc_message][vc_message]ИЗВОД ОД ПРОГРАМА[/vc_message][/vc_column][/vc_row][vc_row][vc_column][vc_empty_space][/vc_column][/vc_row][vc_row][vc_column][vc_empty_space][/vc_column][/vc_row][vc_row][vc_column][vc_message message_box_color=”vista_blue”]ЛОКАЦИИ ЗА КНИГИ[/vc_message][/vc_column][/vc_row][vc_row][vc_column][vc_empty_space][/vc_column][/vc_row][vc_row][vc_column][vc_empty_space][/vc_column][/vc_row][vc_row][vc_column][vc_message message_box_color=”vista_blue”]ЛОКАЦИИ ЗА УМЕТНИЧКИ СЛИКИ[/vc_message][/vc_column][/vc_row]
ПЛАНИРАЧКА КОНФЕРЕНЦИЈА ВО ПРЕСРЕТ НА НАТО ВЕЖБАТА „СЕВЕРНА МАКЕДОНИЈА 2021“
Претседателката на Советот на Општина Охрид, Живка Ангелоска денеска присуствуваше на официјалниот почеток на финалната планирачка конференција во рамки на подготовките за вежбата „Северна Македонија 2021“ што во организација на НАТО Евроатлантскиот центар за координација на одговор при катастрофи (ЕАДРЦЦ) ќе се одржи во септември годинава на подрачјето на Охрид и Струга. Во подготовките и Финалната планирачка конференција учествуваат претставници на повеќе институции од Системот за управување со кризи и членови на НАТО главниот планирачки тим. Вежбата предвидува во неа да бидат вклучени: елементарна природна непогода, организиран криминал, нелегална миграција, компјутерски криминал и сајбер напади, лажни вести, спасување и укажување на помош на граѓаните при епидемија со вирус, кои претставуваат одлична основа за развивање на капацитети и способности за соодветно спротивставување, сузбивање на овие криминални дејствија и преземање на конкретни мерки и активности.
ИЗВЕСТУВАЊЕ
Секторот за комунални дејности, сообраќај и улици ја информира јавноста дека поради изведување на градежни работи, автобуската постојка позади Гимназијата (Бул. Туристичка) нема да биде во функција од 03.06.2021 година до 10.06.2021 година. Наместо неа ќе се користи автобуската постојка кај Жито Леб (Бул. Туристичка).
ИЗВЕСТУВАЊЕ ЗА ПРАВНО РЕГУЛИРАЊЕ НА ЗАКУП НА ПАРКИНГ МЕСТО „ГОРНА ПОРТА“
ЈП „Билјанини Извори“ ја известува јавноста дека од денеска 26.05.2021 година до 04.06.2021 година, ќе се пристапи кон правно регулирање на закупот на паркинг место „Горна Порта“ со кое претпријатието стопанисува согласно одлука на Советот на општина Охрид. Таа можност согласно донесената одлука, ја имаат сите сопственици на апартмани и соби за издавање, кои поседуваат решение за упис во регистарот за угостителска дејност. Од ЈП „Билјанини Извори” ги повикуваат сите заинтересирани, во наведениот рок да се обратат во дирекцијата претпријатието, со цел потпишување на договор за закуп на паркинг место.
ПРЕРЕГИСТРАЦИЈА НА ПОСТОЕЧКИТЕ КАРТИЧКИ ЗА ДВИЖЕЊЕ НА ВОЗИЛА ВО СТАРИОТ ДЕЛ ОД ГРАДОТ
Врз основа на утврдениот режим на сообраќај за стариот дел од град Охрид и Правилникот за издавање на картички за движење на моторни возила во стариот дел на град Охрид, а со цел граѓаните на овој дел од градот непречено да се движат – Секторот за комунални дејности, сообраќај и улици ги известува граѓаните од стариот дел од градот дека ќе се отпочне со пререгистрација на постоечките картички кои ги исполнуваат условите согласно Правилникот. За навремена и ефикасна пререгистрација на постоечките картички, а со цел непречено движење во овој дел од градот се известуваат сите жители кои веќе поседуваат картички да се пријават во Општина Охрид и при тоа со себе да ја носат подолунаведената документација и тоа: За постојани жители на стар дел од град Охрид Копија од лична карта и на нивно име и адреса да има регистрирано моторно возило со важечка регистрација (се докажува со копија од сообраќајна дозвола). Правни лица Ќе можат да добијат картичка за движење на возилата кои се регистрирани на иста адреса, на која адреса е и седиштето на правното лице , а кое е во стариот дел од град Охрид (како доказ се приложува копија од сообраќајна дозвола и тековна состојба од Централен Регистар – не постара од 60 дена); Жители кои немаат постојана адреса во стариот дел од градот Кои во сопственост имаат станбен објект во овој дел ќе им биде издадена само една картичка за моторно возило регистрирано на нивно лично име (како доказ приложуваат имотен лист од објектот, копија од лична карта и копија од сообраќајна дозвола од сопственото возило). Станоиздавачи Сите станоиздавачи кои во склоп на својата КП поседуваат уреден простор за паркирање со повеќе паркинг места и кои до објектот имаат непречен пристапен пат ќе добијат онолку картички колку што имаат обезбедено паркинг места (како доказ приложуваат важечко Решение за категоризација издадено од Општина Охрид и потврда од Комисијата дека во склоп на објектот има паркинг места). Туристи Кои имаат резервирано сместување преку BOOKING со формуларот ќе може да влезат во Стариот дел од градот за сместување и во временски интервал од 1 час возилото треба да излезе. Сите баратели кои ги исполнуваат наведените услови ќе може да извршат пререгистрација на картичките секој работен ден од 21.05.2021 до 04.06.2021 година во временскиот период од 10:00 до 14:00 часот, на посебен шалтер во зградата на Општина Охрид. Покрај горенаведените документи, барателите со себе треба да ја носат и старата картичка за движење на моторни возила во стариот дел на град Охрид. На сите иматели на картички кои не ги исполнуваат условите од Правилникот, картичките ќе им бидат поништени. [vc_row][vc_column][vc_message message_box_color=”orange”]ПРАВИЛНИК ЗА ИЗДАВАЊЕ НА КАРТИЧКИ ЗА ДВИЖЕЊЕ НА МОТОРНИ ВОЗИЛА ВО СТАРИОТ ДЕЛ НА ГРАД ОХРИД[/vc_message][/vc_column][/vc_row]
ДА СЕ ОТСТРАНАТ ПЛОВНИТЕ ОБЈЕКТИ КАЈ „САРАИШТЕ“
Општина Охрид по втор пат упатува апел до сопствениците на пловните објекти истите да ги отстранат од брегот кај плажата „Сараиште“ со цел навремено расчистување на плажата која се очекува претстојново лето да е посетена од охриѓани и туристи од земјава и соседството. Воедно доколку пловните објекти не бидат отстранети во најкраток временски период тоа ќе го направат надлежните служби на трошок на сопствениците.