ОПШТИНСКАТА ОРГАНИЗАЦИЈА НА ЦРВЕН КРСТ ОХРИД Е ДОБИТНИК НА НАЈВИСОКОТО ПРИЗНАНИЕ ЗА 2022 ГОДИНА

Денес во големата сала на Општина Охрид, се одржа свеченост, на која Општинската организација на Црвен Крст Охрид, го доби признанието за најуспешна во годинешната програма “Црвен Крст во акција – промоција на хумани вредности“ ( ЦКА-ПХВ). Пред присутните граѓани и гости, се обрати градоначалникот Кирил Пецаков. – Денешната свеченост е убав повод уште еднаш да се потсетиме на највредното што го поседуваме – хуманоста, човекољубието, солидарноста, како највредни карактеристики што треба и мора да ги имаме и да ги  споделуваме за добробит на целата заедница. Општинската Организација на Црвен Крст Охрид, веќе не навикна, постојано да сме сведоци на нивните врвни достигнувања во промовирањето и реализација на хуманите проекти. Со завршувањето на овогодишниот циклус на програмата “Црвен крст во акција –Промоција на хумании вредности“, Општинската организација на Црвен Крст Охрид е најдобра во Македонија, што го покажува и највиското признание – Златен пехар за најуспешно спроведени проекти. Најискрени честитки за Црвен Крст Охрид. Дозволете сепак, посебно да ги издвојам младите волонтери и од се срце да им упатам честитки за нивната посветеност, инвентивност, пожртвуваност и хуманизам. Секоја чест за вас драги мои млади сограѓани. Ви сте пример за хуманизам без граници, посветеност без заддршка и безусловна љубов. Се надевам дека вашиот пример ќе го следат се повеќе ваши млади пријатели, а Црвениот Крст од Охрид ќе биде уште поуспешен во спроведувањето на својата хумана мисија. Почитувани присутни, Општина Охрид секогаш имала одлични односи со Црвениот Крст. Ве уверувам дека така ќе биде и во иднина. Зошто за нас најголема вредност е човекот, а преку работата на Црвениот Крст најнепосредно допираме до основните хумани, социјални и културни потреби на нашите граѓани. Уште еднаш упатувам искрени честитки за остварениот успех и ви посакувам плодотворна работа и во иднина  истакна во своето обраќање Пецаков. Во продолжение на програмата беа презентирани четирите наградени проекти, со кои младите волонтери  на Црвен крст Охрид, по четврти пат го освоија пехарот на програмата ЦКА-ПХВ.          

КАМПАЊАТА „ПОДАЈ РАКА И ПРОМЕНИ ЖИВОТ, СТАНИ ЗГРИЖУВАЧ“ – УТРЕ ВО ОХРИД

Кампањата ,,Подај рака и промени живот, стани згрижувач”, која е наменета за промоција на згрижување, а има за цел да се зголеми бројот на згрижувачки семејства во земјата, утре, петок,  14.10.2022 година  во Охрид, на Градскиот плоштад, пред заинтересираните граѓани, ќе ги презентира придобивките од згрижување и начинот на кој можете да станете згрижувач. Националната кампања се спроведува од страна на СОС Детско село, во соработка со Центрите за поддршка на згрижувачки семејства ,,11 Октомври” и ,,Битола” , Министерството за труд и социјална политика и локалните самоуправи, а овозможена е од страна на Германското министерство за економски развој и соработка. Бројот на деца без родителска грижа и оние во ризик да го изгубнат сопственото семејство, е голем и потребни се повеќе згрижувачки семејства, за секое дете да може да биде заштитено од насилство и злоупотреба, да има стабилно домување и згрижувач. Настанот првенствено е наменет за сите заинтересирани граѓани , со потенцијал да станат згрижувачи, кои преку промотивни материјали и директни консултации со стручни лица, како и самите згрижувачи, можат да се информираат, повеќе за згрижуваањето. Згрижувачите добиваат услуга на стручна помош и поддршка преку цетри за поддршка за згрижувачки семејства, но и месечен надомест за згрижено дете, надомест за згрижувач, како и други придобивки, согласно потребите на децата за кои се грижат. За сите кои се заинтересирани да станат згрижувачи, а немаат можност да присуствуваат на настанот, повеќе информации за тоа како да станат згрижувач, можат да добијат на телефонскиот број 075/277-477 и веб страната http://www.zgrizuvanje.mk    ПОВЕЛЕТЕ, ПОСЕТЕТЕ ГО НАСТАНОТ, УТРЕ, НА ГРАДСКИОТ ПЛОШТАД ВО ОХРИД, ВО ПЕРИОДОТ ОД 11:00 ДО 15:00 ЧАСОТ И ИНФОРМИРАЈТЕ СЕ КАКО МОЖЕ ДА СТАНЕТЕ ЗГРИЖУВАЧ.                  

САЕМ НА СОЦИЈАЛНИ ПРЕТПРИЈАТИЈА СЕ ОДРЖА ВО ОХРИД

Денеска во Охрид, се одржа Саем на социјални претпријатија, каде учество зедоа социјални претпријатија од југозападниот регион на Македонија. Во име на Општина Охрид пристуните ги поздрави советникот Перчо Божиновски, кој истакна дека социјалната економија е нов тренд во светската економија чиј фокус е насочен кон подобрување на егзитенцијалните услови на ранливите категории на граѓани.   – Самото работење на ваквите компании треба да послужи и како пример и да ги охрабри останатите економски чинители да се приклучат и да дадат свој придонес во овој процес. Секоја поддршка е ветер во грб, особено кога таа доаѓа од институции кои се докажан партнер во соработката и поддршка на самиот процес на развој на иницијативите за социјално претприемништво. Токму во Општина Охрид може да гледате таков партнер, бидејќи Локалната самоуправа не само што е отворена за изразување поддршка, туку и е спремна во секој поглед да ги поддрши и промовира таквите иницијативи, рече Божиновски. На настанот беа присутни претставници на општини од Унгарија, Полска и Словенија, кои споделија свои искуства во оваа област. Саемот е во организација на Регионалниот центар за поддршка на социјални претпријатија при Фондацијата за поддршка на претпријатија во Охрид и проектот „Поддршка на социјалните претпријатија“.              

ГРАДОНАЧАЛНИКОТ КИРИЛ ПЕЦАКОВ ЈА ПОДДРЖА КАМПАЊАТА ЗА ОРГАНОДАРИТЕЛСТВО

  Во организација на националното здружение „Храбро срце“ денеска на градскиот плоштад „Свети Климент Охридски“ се одржа пригоден настан по повод Светскиот ден на органодарителството. На настанот присуствуваше Градоначалникот Кирил Пецаков кој преку видео порака даде јавна поддршка на кампањата за органодарителство. – Драги сограѓани, додека ние сме безгрижни и среќни, а вообичаните животни предизвици се наша главна преокупација, покрај нас има луѓе, за кои секој нов ден е исполнет со  страв, неизвесност, очај и едно единствено прашање – Дали ќе слушнат позитивна вест дека е најден донор на органот кој им е потребен. Нивната единствена молитва е да оздрават, а нивната најголема желба е да живеат. Овие луѓе ја заслужуваат сета наша најискрена поддршка, за да ja продолжат нивната секојдневна борба и да им помогнеме да ја најдат својата шанса за подобро утре, за нив и нивните најблиски, со кои секојдневно ја споделуваат својата мака.  Пред се како човек, а потоа и како функционер кој работи за граѓаните, ме разочаруваат многубројните несреќни приказни и апели за помош на оние кои чекаат пресадување на органи. Од друга страна пак силно ме трогнуваат сите поединци и нивните семејства, кои се одлучиле да даруваат орган и на многу благороден начин да спасат нечиј живот. Се радувам што се повеќе имаме вакви позитивни примери на човекољубие и се надевам дека истите ќе придонесат за што поголемо ширењето на свеста за донирање органи.  Секој од нас може да ја поддржи капањата за органодарителството на здружението „Храбро срце“ и да ја пренесува пораката „Дарувај живот“. Со ова правиме еден важен чекор за да помогнеме, да спасиме и да излекуваме повеќе животи, но и да ја почитуваме и вреднуваме дарежливоста на донорите. Ајде сите заедно да ја покажеме хуманоста како наша најчовечна особина, ајде заедно да покажеме дека може да ги избришеме солзите и да донесеме повеќе насмевки. Ајде заедно да зборуваме гласно, да се едуцираме и да ја подигнеме свеста за уште многу успешни трансплантации и уште многу спасени животи, истакна Пецаков во својата видео порака, која е објавена како дел од кампањата. На настанот беа поделени флаери со информации и пораки за зголемување на свеста за органодарителството.              

ДВЕ ПЛАЖИ НА ОХРИДСКОТО ЕЗЕРО ПРИСТАПНИ ЗА ЛИЦА СО ПОСЕБНИ ПОТРЕБИ

Со поставување на специјални рампи со платформа на плажите „Љубаништа“ и „Горица 3“ за прв пат се обезбедија услови за соодветен пристап до Охридското Езеро за лицата со посебни потреби.   Специјалните рампи, Општина Охрид ги обезбеди преку донација од здружението „СОС Балканмедиа“. Покрај рампите со платформа, на двете плажи поставени се и специјални тоалети, а достапни за користење се и електрични инвалидски колички.   Охрид е првиот туристички центар во Македонија кој обезбедува услови за рекреација и одмор за оваа категорија граѓани и им овозможува непречен пристап за капење во езерската вода.   Градоначалникот Кирил Пецаков истакна дека Локалната самоуправа континуирано работи на проекти за овозможување на подобри услови за живеење на сите граѓани, а особено на подобрување на условите за инклузија на лицата со посебни потреби. Тој упати повик до сите хотели и сместувачки капацитети на охридското крајбрежје да го следат овој пример и да постават специјални рампи на плажите пред објектите со кои стопанисуваат.          

КОАЛИЦИЈА СЕГА ОБЈАВУВА ОГЛАС ЗА ВРАБОТУВАЊЕ ВО МЛАДИНСКИ ЦЕНТАР- ОХРИД

Наскоро на територијата на општина Охрид ќе започне со работа првиот Младински Центар кој ќе функционира согласно Законот за младинско учество и младински политики. Младинскиот центар е место каде ќе се подготвуваат и спроведуваат програми кои ќе ја подобруваат благосостојбата на младите, развојот на личниот, социјален и професионален живот на младите, информации од важен интерес за младите и други аспекти од животот на младите, согласно член 22 од Законот за младинско учество и младински политики. Со Младинскиот Центар- Охрид ќе раководи Коалицијата на младински организации СЕГА- Прилеп, која беше избрана согласно јавниот повик за избор на младинска организација која ќе раководи со Младинскиот Центар. За потребите на Младинскиот Центар- Охрид, СЕГА има потреба од ангажман на: Раководител на Младински Центар- 1 извршител Младински работници- 2 извршители За таа цел, Коалицијата на младински организации СЕГА објавува повик за вработување на три лица за Младинскиот Центар- Охрид. Целосната апликација за вработување во Младинскиот Центар може да се добие на следниот ЛИНК (https://ec.europa.eu/eusurvey/runner/MCOPersonal2022). Краен рок за аплицирање е 10.07.2022 до 23:59 часот. [vc_row][vc_column width=”1/3″][vc_single_image image=”23003″ img_size=”medium” onclick=”img_link_large”][/vc_column][vc_column width=”1/3″][vc_single_image image=”23005″ img_size=”medium” onclick=”img_link_large”][/vc_column][vc_column width=”1/3″][vc_single_image image=”23004″ img_size=”medium” onclick=”img_link_large”][/vc_column][/vc_row]        

РЕШЕНИЕ ЗА ИЗБОР НА ВЕРИФИЦИРАНА ОРГАНИЗАЦИЈА – ИНСТИТУЦИЈА

Градоначалникот на општина Охрид,согласно јавниот повик за финансиска поддршка на верифицирана организација/институција која ќе спроведе  обука на лица кои ќе се стекнат со сертификат за Личен асистент на лица со попреченост донесе решение за избор.  [vc_row][vc_column][vc_message]РЕШЕНИЕ ЗА ИЗБОР НА ВЕРИФИЦИРАНА ОРГАНИЗАЦИЈА – ИНСТИТУЦИЈА[/vc_message][/vc_column][/vc_row]              

ПРАЗНИЧНИ ПАКЕТИ ЗА ЛИЦА ОД СОЦИЈАЛЕН РИЗИК

По повод велигденските празници, градоначалникот на Охрид Кирил Пецаков и секретарот Александар Китески доделија пакети со прехранбени производи и средства за хигиена на лица од социјален  ризик. Дел од пакетите беа доставени во студентскиот дом „Никола Карев“, каде оваа категорија луѓе користат услуги, а дел во црквата Св. Богодродица – Каменско за  верниците.      

РЕШЕНИЈА ЗА СУБВЕНЦИОНИРАЊЕ НА ТРОШОЦИ ЗА КОМУНАЛНИ УСЛУГИ

Општина Охрид врши обезбедување на правото на остварување на социјална заштита на граѓаните, од средствата на Буџетот на Општина Охрид, во облик на спроведување на мерки за субвенционирање на трошоци за комунални услуги за граѓаните кои се изложени на социјални ризици. За таа цел беше објавен ЈАВЕН ПОВИК ЗА ПОДНЕСУВАЊЕ НА БАРАЊА ЗА СУБВЕНЦИОНИРАЊЕ НА ТРОШОЦИ ЗА КОМУНАЛНИ УСЛУГИ врз основа на кој се донесени следните решенија:    [vc_row][vc_column][vc_message message_box_color=”orange” icon_fontawesome=”far fa-file-pdf”]СУБВЕНЦИОНИРАЊЕ НА ТРОШОЦИ ЗА СПРОВЕДУВАЊЕ НА ОТПАД[/vc_message][vc_message message_box_color=”orange” icon_fontawesome=”far fa-file-pdf”]СУБВЕНЦИОНИРАЊЕ НА ТРОШОЦИ ЗА ОДВЕДУВАЊЕ ОТПАДНИ И АТМОСФЕРСКИ ВОДИ[/vc_message][vc_message message_box_color=”orange” icon_fontawesome=”far fa-file-pdf”]СУБВЕНЦИОНИРАЊЕ НА ТРОШОЦИ ЗА ПОТРОШЕНА ВОДА ЗА ПИЕЊЕ[/vc_message][vc_message message_box_color=”orange” icon_fontawesome=”far fa-file-pdf”]СУБВЕНЦИОНИРАЊЕ НА ТРОШОЦИ ЗА ПЛАЌАЊЕ НА ГРОБНА ТАКСА-ГРОБАРИНА[/vc_message][vc_message message_box_color=”orange” icon_fontawesome=”far fa-file-pdf”]ОДБИЕНИ БАРАЊА[/vc_message][/vc_column][/vc_row]                

ИСПЛАТЕНИ СТИПЕНДИИТЕ ЗА УЧЕНИЦИ, СТУДЕНТИ И ЛИЦА СО ПОСЕБНИ ПОТРЕБИ И РЕТКИ БОЛЕСТИ

Општина Охрид  ги исплати првите три рати од стипендиите кои по претходно распишан Конкурс  ги предвиде  за    ученици од основно и средно образование,  студенти и лица со посебни потреби  и ретки болести од Охрид.   На 137 основци од градов им се исплатени по 4.500 денари или вкупно  616 500 денари. На 92- ца средношколци им се исплатени  по 4. 500 денари или вкупно 414  000 денари.  За 15 студенти се исплатени вкупно 135 000 денари, а на 30 лица со посебни потреби и ретки болести   им се исплатени  вкупно 144 000 денари.  Идниот месец е предвидено да се исплатат наредните три рати од средствата што Општина Охрид ги предвиде за овие категории  лица.