КООРДИНИРАН СОСТАНОК НА ПРЕТСТАВНИЦИ ОД ЛОКАЛНАТА ВЛАСТ, СВР ОХРИД И ДПИ ВО ПРЕСРЕТ НА ТУРИСТИЧКАТА СЕЗОНА
- јуни 29, 2022
- 0
Со координирани активности на надлежните служби ќе се настојува да се решаваат комунално- сообраќајните проблеми во Охрид летово. Ова беше заклучено на денешниот работен состанок што Секретарот на Општина Охрид, Александар Китески го одржа со претставници од Локалниот инспекторат, СВР – Охрид и Државниот пазарен инспекторат, непосредно пред официјалниот старт на летната туристичка сезона.
Со цел во Охрид да имаме добра туристичка сезона и задоволни охриѓани и гости полицијата и локалните инспектори од 1-ви јули заеднички ќе вршат контроли на терен во поглед на утврдување на неправилностите во работењето на угостителските објекти, бучавоста во градот, одржување хигиена на јавни површини како и неправилности во поставувањето на урбаната опрема. На состанокот се разговараше и за проблемот со питачите кои најчесто се од други градови во државава, а доаѓаат во Охрид во време на летната туристичка сезона.
ОПШТИНА ОХРИД