МУЛТИСПОРТСКА ТРКА „АКВАТЛОН“ ПО ТРЕТ ПАТ ВО ОХРИД
- август 25, 2024
- 0
Вкупно 210 натпреварувачи беа дел од мултиспортската трка „Акватлон“ која се одржа денеска во водите на Охридското Езеро. Манифестацијата се организира по трет пат во Охрид и е дел од програмата на овогодинешното издание на Ohrid Water Festival.
На трката во осум категории се натпреваруваа учесници од Хрватска, Црна Гора, Србија, Полска, Холандија, САД и Македонија. Организатор на овој спортски настан е атлетскиот клуб „Охрид Трчат“.
На секој учесник кој ја заврши трката му беше доделен медал/финишер додека сите првопласирани натпреварувачи добија медали и дипломи.
ОПШТИНА ОХРИД