Со свечена програма, синоќа во Центарот за култура „Григор Прличев“, беше одбелжан празникот на ОУ “Свети Климент Охриски“. Годинашното чествување на празникот беше под мотото „Богатството наше – јазикот“. Пред бројните ученици, родители, граѓани и гости од соседна Србија, се обрати директорот на училиштето, Јордан Пуроски.
– Нашата овогодишна прослава тематски е посветена на нашиот мајчин јазик. Нашите ученици треба да ја разберат и да ја почуствуваат неговата важност и потреба. Денес можеме да ја почуствуваме и да ја разбереме историската борба низ која поминал за да опстане и да продолжиме да го негуваме и чуваме, зошто тој е нашето главно обележје. Токму за богатството наше – јазикот, говори нашата вечерашна програма која ја подготвија учениците – истакна во своето обраќање Пуроски.
Во продолжение на програмата, учениците изведоа богата уметничка програма, а беа доделени и наградите за најуспешни литературни творби.
Чествувањата на Св. Климент Охридски, претходно беа одбележани и со традиционалниот концерт на учениците од ОМУ „Методи Патче“.
ОПШТИНА ОХРИД